Во меч со луд финиш, Швајцарија се спаси од пораз против Белорусија! (ВИДЕО)
Швајцарија влезе како огромен фаворит против Белорусија, но домаќините загубија два планирани бода.
Швајцарците добро почнаа, со гол на Шаќири имаа водство од 28. минута. По 15 минути игра во вториот дел Ебонг израмни на 1-1, а осум минути подоцна Полјаков погоди за комплетен пресврт и водство на Белорусија од 2-1.
Домаќините напаѓаа да се вратат во мечот, но следуваше нов шок, во 84. минута Антиевски погоди за 3-1. Во тие моменти се чинеше дека Белорусија ќе го добие мечот.
Но, тоа не се случи. Во 89. минута Акањи намали на 3-2, а во следната минута Амдуни реализираше за израмнување на 3-3, што беше и конечен резултат.
Малку фалеше да се случи и комплетен пресврт, Швајцарија во продолжението имаше три сериозни шанси, Белорусите вадеа и од гол линија.
Во истиот термин Чешка со 1-0 ја совлада екипата на Фарски острови, претходно Грузија со 4-0 го победи Кипар.