Во куќа во Загреб живееле 30 странски работници, газдата наплаќал месечно 3.300 евра
Од киријата на куќа од 200 метри квадратни на загрепска Трешњевца, сопственикот за еден месец заработува 3.300 евра бидејќи од февруари во неа живеат триесетина странски градежни работници, јавува РТЛ.
„Се повеќе семејства се иселуваат од своите домови, го издаваат имотот на странски работници бидејќи знаат дека можат да добијат многу поголема сума од онаа што ја заработуваат и колку би платиле за кирија“, вели Амра Салиќехајиќ, агент за недвижнини.
За да се прилагоди куќата на нови станари, дневната соба стана „студентски дом“ за 12 странски работници. Горе има бања и три соби со девет кревети.
„Куќата е целосно во хаос, странските работници не сакаа да доплатат за чистачката, што ја препорача сопственикот. Откако ќе заминат, куќата ќе мора целосно да се реновира, дури и мебелот е искршен“, посочува Амра. Салиќехајиќ, агент за недвижности.
Сместувањето на странските работници треба да се регулира со измени на Законот за странци – 44 метри квадратни за шест работници. На тој начин овој вид на закупнина не би бил возможен. Во 2023 година беа издадени околу 173.000 дозволи за престој и работа на работници од трети земји.
„За жал, таква е ситуацијата и тоа е нашата реалност. Луѓето бараат начини да заработат лесни пари“, вели сопственикот на агенција за недвижности Филип Бркан.
Просечната плата во февруари била 1.248 евра, додека киријата за двособен стан од 56 квадрати во Загеб е 850 евра. Во огласите за 300 или 400 евра евентуално може да се најдат гарсоњера, станови за издавање на работници или станови за дневно изнајмување.
„Проблемот е што државните или градските органи треба да обезбедат соодветно домување за одредени групи граѓани, вклучително и студенти“, забележува агентот за недвижности Мартина Налетилиќ.
„Доколку продолжи оваа динамика на пазарот, имаме голем прилив на странски работници, што значи дека имаме голема побарувачка или за куќи или за станови, тогаш може да очекуваме забрзан раст на цените“, заклучува Бркан.
Просечната цена на метар квадратен на нова зграда во Хрватска е 2.300 евра, што е највисока цена во историјата.
