Во близина на Тунис од морето се извлечени 210 тела – „Ова е без преседан“

Туниската крајбрежна стража извлече тела на 41 мигрант од морето, соопшти денеска Националната гарда, со што за десет дена бројот на жртвите од бродоломот кај северноафриканската земја се искачи на 210.

Телата се пронајдени во распадната состојба, што сугерира дека биле во вода неколку дена, рече Хусем Един Џебабли од Националната гарда. Таков број на жртви во толку краток временски период е без преседан, нагласи тој.

Зачестено е заминувањето на бродови од Тунис кон Италија, делумно поради тоа што властите на соседна Либија се посилно го спречуваат заминувањето од нивните брегови. Најголем дел од мигрантите доаѓаат од субсахарска Африка, Сирија и Судан.

Тунис тешко се справува со оваа ситуација, а дел од мртовечниците останаа без простор за жртви.