ВМРО-ДПМНЕ: Државниот инспекторат за животна средина утврди дека цијанид во водите на Крива река нема!
Повторно се докажа дека СДС шири лажни вести и ја манипулира јавноста, велат од ВМРО-ДПМНЕ во соопштение.
„Државниот инспекторат за животна средина утврди дека цијанид во водите на Крива река, нема.
Градоначалникот на Крива Паланка од редовите на СДС, Сашко Митовски, велеше дека за 100 пати над дозволеното имало цијанид во водите на Крива река. За овие изнесени лаги и ширење на паника меѓу сограѓаните, кривично се одговара.
Митовски за политички поени во пресрет на локалните избори, свесно ширел паника и невистини во Крива Паланка. Сепак, за среќа на жителите на Крива Паланка, но и на граѓаните на Македонија, цијанид во Крива река нема над дозволеното.
Митовски треба кривично да одговара за свесно ширење на паника со цел собирање на политички поени“, се вели во соопштението на ВМРО-ДПМНЕ.
