ВИДЕО Светна новогодишната елка на плоштадот „Македонија“ во Скопје

Светкањето на новогодишната елка на плоштадот „Македонија“ го означи почетокот на празничната сезона во Скопје.

Новогодишните украси ќе останат поставени до третата недела од јануари, односно до 20 јануари.

Божиќниот базар, кој ќе трае повеќе од еден месец, ќе им овозможи на граѓаните да ја почувствуваат празничната магија како во другите метрополи во регионот и Европа.

Декорацијата на градот чини околу 70 илјади евра, додека централниот концерт ќе биде финансиран од Државната видеолотарија на Македонија.

За дочекот на Новата 2026 година на плоштадот „Македонија“ ќе настапат познати музички имиња, меѓу кои Каролина Гочева, Тамара Тодевска, Лара и Пајак, Миле Кузмановски, Огнен Здравковски, Два Бона и Куку Леле.

Одлуката на градските власти е дека на дочекот нема да има огномет.