ВИДЕО: Страшна несреќа во Анталија, во тек евакуација
Едно лице загина, а седум други се повредени во петокот во јужната турска провинција Анталија, откако жичара удрила во скршен столб, соопшти канцеларијата на локалниот гувернер и една телевизија.
На социјалната мрежа Х, гувернерот објави дека повредените се префрлени на лекување во блиските болници и дека 24 кабини од жичарата висат во воздухот.
Спасувачките единици за итни случаи евакуираа 40 лица од седум кабини на жичарницата, а напорите за евакуација на уште 134 лица заглавени во другите кабини продолжуваат, соопшти канцеларијата на гувернерот.
На местото на настанот се испратени хеликоптери и други возила за евакуација на линијата на жичарницата.
Според информациите на веб-страницата, жичарницата има 36 кабини со капацитет од по шест лица, а искачувањето до објектот Тунектепе со панорамски поглед на градот Анталија трае во просек девет минути.
