(ВИДЕО) СПЛИТ Е НА НОЗЕ: Луѓето трагаат по исчезнато момче, најден е велосипедот и траги од крв

Стотици луѓе трагаат по момче кое исчезна во хрватскиот град Сплит. 

Во Сплитската парк-шума Марјан од утрово се води интензивна потрага по Ловро Матошиќ (16). Во моментот на исчезнувањето, тој носел јакна во зелено-маслинеста боја, сиви панталони, црни патики со бел ѓон, а на грбот носел црн ранец. По него трагаат полицајци, спасувачи и пожарникари, но и по шест часа, освен што пронашле велосипед и крвави траги, нема конкретни резултати.

Момчето исчезнало утрово. Со спасувачите на терен е и таткото на исчезнатиот тинејџер.