ВИДЕО: На авион во тек на лет му се одвоија делови од вратата и трупот, сега се пронајдени!
Дел од вратата и трупот на авионот се откинале од авионот во кој имало 171 патник и шест членови на екипажот и се наоѓал на височина од речиси 5.000 метри. Сега тие делови се пронајдени.
Пронајден е исчезнатиот дел од авионот на Алјаска ерлајнс кој се одвоил додека авионот бил во воздух во петокот, соопштија истражителите, јавува Би-би-си.
Властите бараа делови од трупот и вратите во Портланд – градот од кој полета Боинг 737 Макс 9.
Наставникот Боб ги пронашол исчезнатите делови во неговиот двор, изјави во понеделникот претседателот на организацијата што ја води истрагата.
171 авион Боинг 737 Макс 9 сè уште се приземјени додека продолжуваат безбедносните проверки, јавува Би-Би-Си.
Одлуката следува по инцидентот што се случи во петокот непосредно откако летот на Алјаска ерлајнс се симна од меѓународниот аеродром Портланд за Лос Анџелес.
Дел од вратот и трупот на авионот се откинале од авионот во кој имало 171 патник и шест членови на екипажот и се наоѓал на височина од речиси 5.000 метри. И покрај падот на притисокот во авионот, екипажот успешно го сврте леталото и слета назад во Портланд.
