ВИДЕО Мажи се истепаа во Струмица, едниот замавнува со секира!
Видео-снимка на која се гледа насилна пресметка меѓу две лица, од кои едното замавнува со секира, ја вознемири јавноста откако беше објавена на социјалните мрежи од случајни минувачи.
Инцидентот, според неофицијални информации, се случил вчеравечер во центарот на Струмица, а снимката брзо се прошири преку Фејсбук.
На видеото се гледа како вербална расправија прераснува во физичка пресметка, при што едно од лицата држи и замавнува со секира, додека другото се обидува да возврати со тупаници. Во конфликтот се вмешува и жена која се наоѓала на лице место, обидувајќи се да ги раздели. Ситуацијата брзо ескалира, а граѓаните кои снимале се повлекуваат, загрижени за својата безбедност.
Во коментарите под објавата, граѓани тврдат дека инцидентот не е изолиран, туку кулминација на долгогодишен проблем со лица кои агресивно просат во центарот на градот, вознемируваат минувачи и често вклучуваат деца во собирање пари.
Засега не е потврдено дали случајот е пријавен во полиција, ниту дали се преземени конкретни мерки од страна на надлежните институции.
