(ВИДЕО) Косово го забрани увозот од Србија, а Србите велат дека уапсените косовски специјалци биле вооружени до заби
Косово и Србија имаат различни верзии за настанот кој се случи денеска во централна Србија.
Белград тврди дека косовските специјалци навлегле длабоко на територијата на централна Србија, а Приштина обвинува дека станува збор за киднапирање што се случило на косовската страна од границата.
Владата во Приштина одлучи попладнево да го забрани влезот на секој вид стоки од Србија.
Министерот за внатрешни работи на Косово, Џељаљ Свечља го обвини Белград дека го прекршува „секој договор и секој принцип на меѓународните норми“ и го повика меѓународниот фактот да го зголеми притисокот врз Србија за да ги ослободи косовските полицајци.
„Сакам да ве информирам дека на 14.6.2023 год. во 12:38 часот во административната зона длабоко на територијата на Централна Србија, антитерористичката група МУП лоцирала тројца припадници на косовската полиција. Тие биле во патувачка воена опрема, имале три автоматски пушки, муниција, мапи и ГПС. Со возило „дачија“ стигнале до административниот премин, го оставиле возилото и продолжиле пеш преку граница, каде што биле лоцирани и уапсени. Местото на апсењето е во општина Рашка, на длабочина од повеќе од еден километар на територијата на Србија. Србија е сериозна земја и членовите на МУП не биле блиску до административната линија и не ја прекршиле резолуцијата 1244, ниту пак презеле некаков незаконски чин. Полицијата ќе ја продолжи истрагата во соработка со обвинителството“, рече генералниот секретар на српското МВР, Жељко Бркиќ.
На видеото од апсењето може да се види како српските полицајци ги спроведуваат уапсените косовски специјалци со зборовите: „Долу глава, долу главата“.
За акцијата бил информиран и српскиот претседател Александар Вучиќ.
Hapšenje Kurtijevih specijalaca pic.twitter.com/Iz3wCR0gfC
— Arsil (@arsagarson) June 14, 2023
