ВИДЕО Излевањето на Маркова Река уништи куќа на 10-члено семејство
Излевањето на Маркова Река во општина Студеничани предизвика значителна материјална штета, но, според информациите од надлежните, нема опасност за безбедноста на жителите во овој крај.
Неисчистената река излезе од своето речно корито, а најголемата штета беше направена на домот на 10-члено семејство од Батинци, чија куќа беше уништена.
По ова излевање, се уште остануваат затворени некои патни правци. Локалниот пат меѓу селата Горно Лисиче и Долно Лисиче е затворен за сообраќај, а исто така е затворен и влезот за селото Батинци во двата правца. Надлежните служби активно работат на стабилизација на состојбата и обезбедување на безбедноста на граѓаните.
Граѓаните се апелираат да бидат внимателни и да ги следат упатствата на локалните власти за да се избегнат можни несреќи и дополнителни штети.
