ВИДЕО Девојки и баба затрупани во урнатините по земјотресот во Мјанмар снимиле порака за семејството!
Видеа споделени од преживеаните на социјалните мрежи откриваат застрашувачки моменти под урнатините по силниот земјотрес што го погоди Мјанмар во петокот. На видеото се гледаат две девојчиња на возраст од 13 и 16 години и нивната крвава баба како лежат во област полна со урнатини по разорниот земјотрес со јачина од 7,7 степени.
Девојчињата и нивната баба останале заробени додека се обидувале да побегнат од нивниот стан на шестиот кат во вториот по големина град во земјата Мандалеј, кој е во близина на епицентарот на земјотресот. Во паника истрчале кон итните скали, но зградата се урнала.
Отпрвин, таткото на девојчињата мислел дека неговите ќерки и мајка му умреле и ги користел социјалните мрежи за да молат за помош за да ги извадат нивните тела. Но, се покажа дека се живи – во клучните моменти пред уривањето на зградата тие ги пуштиле мобилните телефони да снимаат.
Зошто снимаа?
„Моите ќерки снимаа видеа на своите телефони мислејќи дека ако тие и баба им умрат, можеби некој ќе им ги најде телефоните и ќе ги видиме ние, татко им и мајка им. Тие дури и ги отклучиле мобилните телефони“, напишал нивниот татко на Фејсбук.
Во својата објава тој напиша и дека неговото семејство може да слушне други луѓе заробени под нив во урнатините на станбената зграда Скај Вила.
Се довикуваа од горниот и долниот кат, но однадвор ништо не се слушаше.
Спасувачите ги пронашле
Спасувачите на крајот ги пронашле и со чекан направиле мала дупка низ која можеле да додадат вода, но морале да одат да земат дополнителна опрема. Оставени сами на себе, девојките ги презеле работите во свои раце и со чекан го прошириле отворот и избегале.
Сакаа да и направат поголем отвор на бабата, но камењата беа претешки и децата не можеа да го поместат“, се вели во објавата.
