ВИДЕО ЦУК: Отстранета опасност за граѓаните кои минуваат под плоштадот Скендербег
Директорот на Центарот за управување со кризи, Стојанче Ангелов, на лице место од терен – крај Булевар „Гоце Делчев“ во Скопје, изјави:
– Неколку граѓани се јавија во ЦУК и известија дека тротоарот што минува под Стоковната куќа „Мост“ и плоштадот „Скендер бег“ е небезбеден и истиот нема ограда. По него се движат многу пешаци, велосипедисти, со електрични тротинети и скутери. Од тие причини ЦУК се обрати до Град Скопје со барање да се постави заштитна ограда кон улицата, на ивицата од овој тротоар, што на некои места е повисоко повеќе од два метра во однос на коловозната лента. Извесно време подоцна градот Скопје не извести дека е поставена огрда на тротоарот од двете страни на булеварот под Стоковната куќа „Мост“ и плоштадот „Скендер бег“. Оваа ограда е безбедна, ја гарантира безбедноста на граѓаните коишто минуваат овде, без разлика дали се пешаци, велосипедисти или управуваат електрични тротинети или скутери.
Од тие причини, се заблагодаруваме на Град Скопје за брзата реакција и ја користиме оваа прилика да ги потсетиме дек чекаме решение за малиот пешачки остров за Бул. „Србија“ во Општина Аеродром, како и решение за напукнатото стакло на Мостот Око (популарен назив) за коешто исто така од граѓани добивме дека не е најбезбедно. Уште еднаш, голема благодарност до градот Скопје.
