ВИДЕО Арсовска: Политичарите како Мицкоски се најголемото ѓубре во овој град и ние вечерва почнуваме со чистењето на ѓубрето да ги чистиме и нив
„Мафијашки структури ја блокираа работата на Комунална хигиена, само поради лични интереси. Вака ја започна доцна вечерва прес конференцијата градоначалничката на Град Скопје, Данела Арсовска.
„Иако нема законски најавено штрајк, иако голем дел од овие лица, веќе не се вработени во ова претпријатие, тие извршија мафијашка блокада. Морам да констатирам дека директорката Мазнева беше во право, кога најави дека граѓаните на Скопје поради ова насилство ќе трпат големиштети и дека ќе се појават стаорци низ улиците, погледнете ги овие староци од политичките елити како опстурирано отскокнаа и ја користат оваа состојба која самите ја креираа за ситни политички поени“, додаде Арсовска.
Таа рече дека кризиниот штаб итно заседавал и дека веќе се на терен служите на Комунална хигиена од вечерва и изрази надеж дека од утре ќе работат со целосен капацитет.
„Нема да дозволиме личните интереси на малкумина, на мафијашите, на бандитите и нивните партиски пријатели да бидат пред колективните интереси на нашите граѓани. Заврши времето кога овие градски претпријатија беа третирани како лична соственост и наместо за итнересот на граѓаните, тие работеа во интерес на неколкумина“, додаде Арсовска.
Таа испрати и порака до лидерот на ВМРО-ДПМНЕ со кого трчаше во кампања, а доби и поддршка.
„Сакам да му порчам на Христијан Мицкоски дека е разобличен вечервар, затоа што за евтини политички поени сака да креира проблеми за граѓаните, кои потоа сака да се претстави дека ги решава. Таквите политичари се најголемото ѓубре кое овој град ги видел и ние вечерва ќе почнеме со чистењето на ѓубрето да ги чистиме и нив“, децидна беше Арсовска.
Вечерва градоначалници од неколку општини сами се организираа за да го соберат сметот од улиците кои претставува прво неподнослива смрдеа низ градските средини, а второ грда слика за Град Скопје.
Но тоа не беше единствениот проблем, камионите заглавија на влез од депонијата Дрисла каде се уште не им е дозволен влез.
