Јуве уште владее во Торино – два гола за зголемување на притисокот врз лидерот (ВИДЕО)
„Бјанконерите“ на свој типичен начин го решија прашањето околу победникот, без многу атракција во играта, но со сигурна одбрана и реализација на две од малкуте шанси кои ги создадоа. Во првото полувреме погоди Веа кој искористи една одбиена топка по соло-продорот и ударот на Камбијасо и го отвори резултатот. Точка на мечот стави Јилдиз во 84. минута, повторно на иницијатива на Камбијасо кој беше асистент за вториот гол.
По овој триумф Јувентус собра 24 бода и останува единствена непоразена екипа во Серија А. Пред него се само Интер со ист број бодови и Наполи со бод повеќе, но овие две екипи се среќаваат утре во дербито на 12. коло по што ќе се знае кој од нив ќе замине на двонеделна пауза како лидер.
