Удри олимпиското проклетство: Сите освојувачи на медали од Париз испаднаа во период од 24 часа
Оваа година проклетството е малку проширено бидејќи никој од освојувачите на медали во Париз не успеа да ја преживее првата недела. Сите тројца – Ѓоковиќ, Алкараз и Музети го завршија својот пат на УС Опен во период од 24 часа.
Во четвртокот навечер беше елиминиран Алкараз од Ван де Зандшлуп со 0-3, а синоќа прво Музети загуби од Накашима со 1-3 за потоа Попирин да приреди шок и да го испрати Ѓоковиќ дома со идентичен резултат. Претходно, уште во првото коло, испадна и четвртопласираниот од Олимписките игри, Феликс Оже Алкијасим кој загуби од малку познатиот Менсик од Чешка.
