УБАВА ЗДЕЛКА, ПА БЛОК ТРАНСАКЦИЈА – кој плати 187 илјади евра за 0,33 отсто од акциите на „Гранит“

Блок трансакција на Берзата помина со акциите на домашната градежна компанија „Гранит“.

Станува збор за продадени на познат купувач 10.000 акции на ова акционерско друштво, и тоа по цена од 1.147 денари за акција.

Или, вкупната вредност на трансакцијата е 187 илјади евра.

Ако се има предвид колку вкупно акции има издадено оваа компанија, ќе се дојде до заклучок дека е продаден мал акционерски дел, кој опфаќа 0,33 отсто од вкупниот број акции издадени од акционерското друштво.

Тоа значи дека некој за овој процент во еден наврат платил 187 илјади евра. 

Просечната цена за акциите на компанијата која е постигната на последното тргување е 1.110 денари за акција, или само малку пониска од онаа по која поминаа акциите на блок трансакцијата.

Како што пред неколку дена објави Фактор, „Гранит“ објави одлична зделка на која ќе работи за Јавното претпријатие за државни патишта. 

Имено, компанијата влегува во проект од кој ќе оствари приход од над 12 милиони евра, што укажува на тоа дека има сигурна работа и приносен бизнис во наредниот период.

Практично, „Гранит“ ќе работи на изградба на обиколницта на Тетово преку клучката Требош до Непроштено, и тоа во фазата 1, а вредноста на овој договор со вклучен ДДВ, како што известиле од компанијата, ќе изнесува над 752 милиони денри, или 12,23 милиони евра.

Н.Н.Ф.