Уапсен сопственикот на маркетите „Тинекс“
Медиуми објавуваат информација дека доцна синоќа на скопскиот аеродром е уапсен Владимир Тодоровиќ, сопственикот на ланецот маркети „Тинекс“.
Поранешниот градоначалник на Општина Центар бил приведен по слетување од Загреб.
Во истата акација заедно со него во текот на вчерашниот ден на граничниот премин Табановце бил приведен и Владимир Здравев, исто така поранешен функционер на Општина Центар.
На Табановце биле уапсени уште најмалку осум лица.
Апсењето, како што неофицијално се дознава, е за набавка на опрема за мостот „Око“ како дел од проектот „Скопје 2014“ во предмет поврзан со поранешно СЈО.
Истите ќе бидат изведени пред судија на претходна постапка изутрина, бидејќи судијата одбил да ги сослуша уште вечерва.
Повеќе детали се очекуваат во текот на денешниот ден.
