Тројца повредени во пожарот во дискотеката „Пулс“ во Кочани префрлени на лекување во Ниш
Од Универзитетскиот клинички центар на Србија во Универзитетскиот клинички центар Ниш се префрлени уште тројца пациенти повредени во пожарот што се случи во Кочани.
Двајца мажи и една жена се префрлени од УКЦС во УКЦ Ниш и лекувањето ќе го продолжат на Одделот на Клиниката за пластична и реконструктивна хирургија.
„Шест повредени во тој трагичен настан во моментов се хоспитализирани во Клиничкиот центар Ниш. Четворица мажи и една жена се на одделението на Клиниката за пластична и реконструктивна хирургија, додека еден пациент се уште е на одделението за Интензивна нега на Клиниката за анестезија и интензивна терапија“, соопштија од Клиничкиот центар во Ниш.
Сите оперативни мерки и напори на медицинскиот персонал се насочени кон опоравување на повредените.
