ТРИГОДИШНО МОМЧЕ ПРОНАЈДЕНО САМО ВО ПАРК ВО ТИВАТ: носи само пелена, родителите никаде ги нема

Момче (3) е пронајдено како лута само во парк во Тиват, облечено само во пелени, пренесуваат медиумите во соседството.

Службениците на Одделот за безбедност во Тиват, заедно со нивните колеги од Комуналната полиција, го пронашле момчето во паркот спроти Црна Гора, изјави началникот на полицијата во Тиват, Миодраг Кнежевиќ за порталот РТЦГ.

Кнежевиќ рече дека се претпоставува дека момчето тукушто излегло од станот, бидејќи не носи гардероба, туку само пелена.

Тој рече дека малото момче зборува руски, и дека најверојатно го искористило невниманието на неговите родители.

„Тоа не е киднапирање или нешто слично, имавме вакви случаи, ретко, но се случија“, рече тој.

Детето моментално е во Центарот за социјална работа, а Кнежевиќ верува дека родителите брзо ќе бидат идентификувани.

Фото: Принтскрин/Твитер