ТРИ РАЗЛИЧНИ ЦЕНИ ЗА ГИРО: ПРАЗЕН 2,5 ЕВРА, СО ДОДАТОЦИ 4, А ГИ ИМА И ЗА 7 ЕВРА – ова се моменталните цени во едно познато грчко одморалиште
Судејќи според приказните за туристите од Србија кои оваа сезона престојуваат во Ханиоти, за Грција ќе ни требаат „дебели“ паричници. Во еден ресторан за брза храна имаат дури три цени за гиро, додека цените за две лежалки и чадор се движат од 12 до 15 евра.
Пита гиро за носење е 2,50 евра, порција гиро, со класични и незаменливи додатоци (ако јадете вистински гиро): домат, цацики и помфрит – чини 4 евра, додека на редовното мени пишува дека гиро (свинско/пилешко) е 7 евра.
Има и акција за две лица: порција гиро, помфрит, пита, домат, цацики за 8 евра.
Во моментов најмногу Срби има од Лесковац, Нови Сад, Белград, а после нив најбројни се Русите.
Цената на грчкото кафе за носење се движи од 1,50 до 2 евра, додека ладното кафе е 2,50 евра (околу 300 динари). Цените на пијалоците во споменатата брза храна (пиво, вино, кафе и чај) се по 2 евра.
Водата е околу 2 евра, а газираните сокови околу 250 динари. А какви се цените на храната?
Да речеме, гириците се од 10 до 12 евра, лигњите од 8 до 10 евра, лососот на скара 15 евра…
– Цените на пиците се исти како кај нас, на пример – рекла жена од Србија.
Курир и Телеграф.рс
