Трговците ќе платат 2 милиони евра казни поради прекршувања со цените

Трговците на големо и мало ќе ѝ платат на државата казни од околу 2 милиони евра, поради бројни неправилности со цените на прехранбените производи, утврдени при 18.000 контроли од страна на пазарните инспектори.

Заменик-министерот за економија и труд, Марјан Ристески, најави дека до крајот на годината ќе започне и санкционирање на компаниите кои го прекршиле Законот за нефер трговски практики.

Тој најави и развој на бесплатен софтвер за трговците, кој ќе овозможи транспарентно прикажување на цените, додека граѓаните, со помош на вештачка интелигенција, ќе може сами да креираат потрошувачка кошничка.