ТРГОВЦИТЕ ДО ТРАМП: Полиците ќе останат празни
Трговските синџири го предупредуваат aмериканскиот претседател Доналд Трамп дека полиците ќе останат празни за две недели.
Иако американските потрошувачи досега беа релативно заштитени, последните одлуки на администрацијата на Доналд Трамп доведуваат до намалување на резервациите, празнење на контејнерските бродови и откажување на испораки.
Трговската војна меѓу САД и Кина продолжува да предизвикува глобални потреси, со сериозни последици по синџирите на снабдување. Шпедициските компании веќе бележат намалување од над 60 отсто во нарачките на стока од Кина, додека некои американски пристаништа, како она во Лос Анџелес, најавуваат големо намалување на сообраќајот.
Извршните директори на најголемите американски трговски ланци – Walmart, Target и Home Depot – оваа недела ја посетија Белата куќа за да ја пренесат својата загриженост: новите царини може да предизвикаат „празни полици“ во продавниците во рок од неколку недели.
Повеќе американски држави ја тужат администрацијата на претседателот Доналд Трамп поради царините. Дванаесет држави завчера поднесоа тужба.
Меѓу оние кои тужат се Орегон, Аризона, Колорадо, Конектикат, Делавер, Илиноис, Мејн, Минесота, Невада, Њу Мексико, Њујорк и Вермонт.
