Трагичен крај на потрагата во Америка: По 3 месеци пронајдено телото на исчезнатиот планинар, кучето останало со него до крај
Телото на 71-годишниот планинар кој исчезна во август е пронајдено во планините во јужниот дел на Колорадо.
Спасувачите велат дека покрај телото било неговото верно куче, кое успеало да преживее во дивината, пренесува CNN. На 19 август, Рич Мур отиде на врвот на Блекхед Пик (3800 метри) со својот териер Фини и никогаш не се врати.
Десет недели подоцна, на 30 октомври, неговите останки ги пронашол ловец. Тие се наоѓале на неколку километри источно од врвот на планината.
До Мур беше Фини.
„Кучето беше многу слабо, изгуби околу половина од својата тежина. Тоа покажува колку бил лојален“, изјави за Си-Ен-Ен Делинда Вани-Брајтин, која учествуваше во потрагата по планинарот.
Тренерот на кучиња Расел Хартштајн вели дека лојалноста на овој вид куче кон својот сопственик не е невообичаена.
„Тие често можат да бидат лојални до смрт“, изјави Хартштајн за CNN.
