ТРАГЕДИЈА: Загина фудбалер на Габон, паднал од 11 кат на зграда
Трагедија го тресе фудбалот.
Напаѓачот на Габон, Арон Бупенџа загина откако падна од 11 кат на зграда во Кина.
Информацијата ја потврди и тренерот на букурешки Рапид, Мариус Шумудица.
Полицијата разгледува неколку верзии за тоа што се случило, меѓу кои и проверка на информации за кавга меѓу фудбалерот и неговиот брат, кој во тој момент бил во станот.
Бупенџа играше за Жеџјанг Професионал и договорот му беше со важност до декември 2026. Претходно играше за Рапид Букурешт, Синсинати, Ал Шабаб, Ал Араби и Хатајспор.
За габонската репрезентација Бупенџа одигра 35 натпревари од 2016 до 2023 година и постигна осум гола.
