Трагедија во Кичево: Почина 40-годишен маж погоден со патрон од ловечка пушка
Трагедија се случила вчера во Кичево, 40-годишен маж починал откако бил погоден со патрон од ловечка пушка.
Министерството за внатрешни работи информираше дека вчера во 15.00 часот, полициски службеници од ОВР Кичево го лишиле од слобода Д.С.(56) од Кичево.
„Тој се сомничи дека околу 14 часот во шумски појас во атарот на кичевското село Бигор Доленци, при лов, од ловечка пушка испукал патрон и го погодил Д.Ј.(40) од истото село, по што Д.Ј. починал“
Увид на местото извршија јавен обвинител, медицински и полициски екипи, а врз телото на починатиот е извршена обдукција. По целосно документирање на случајот ќе следува соодветна пријава.
