Трагедија кај Дебар: Загина 33-годишен мотоциклист од Кичево, повредена сопатничка од Скопје
Тешка сообраќајна несреќа се случи попладнево околу 14:30 часот на патот Дебар–Струга, кај селото Отишани, при што загина 33-годишен мотоциклист од Кичево, информираа од СВР Охрид.
Во несреќата учествувале патничко возило „пежо 406“ со скопски регистарски ознаки, управувано од 43-годишниот Б.Г. од Скопје, и мотоцикл „дукати“ со кичевски ознаки, управуван од загинатиот Б.Р.
Смртта на мотоциклистот била констатирана на самото место од екипа на Итната медицинска помош од Дебар. Во несреќата е повредена и 42-годишната М.Г. од Скопје, сопатничка во автомобилот, која со телесни повреди била пренесена во дебарската болница.
По наредба на јавен обвинител ќе биде извршена обдукција врз телото на починатиот. На местото на несреќата бил извршен увид, а сообраќајот беше во прекин околу два часа. Од 17:55 часот, сообраќајот е нормализиран.
