ТОНАТ ВО СИРОМАШТИЈА: Инфлацијата е 109 отсто
109 отсто изнесува инфлацијата во Аргентина. Државата тоне во екстремна сиромаштија, а владата донесе пакет мерки.
Како што објави Ројтерс, Аргентина се бори да ја совлада инфлацијата, која во април достигна 109 отсто на годишна основа, со што ја уништи довербата во пезосот и доведе до намалување на девизните резерви. Тоа ги загрози финансиите на владата.
Податоците на аргентинската Национална агенција за статистика и попис (INDEC) покажуваат дека инфлацијата во април 2022 година изнесувала 58 отсто, а веќе во септември пораснала на 83 отсто, додека во декември била 94,8 отсто.
Инфлацијата вртоглаво порасна годинава, а секој четврти граѓанин на Аргентина живее во сиромаштија поради растот на цените и девалвацијата на валутата.
Тешката економска состојба дополнително ја усложни сушата што минатата година ја погоди оваа јужноамериканска земја и значително се одрази на извозот на соја, пченка и пченица. Лани жителите на Аргентина протестираа поради скапотијата. Оваа држава во повеќе наврати доживеа банкрот.
