ТЕШКО ТИЕ ШТО НЕЛЕГАЛНО РАБОТАТ ВО ГЕРМАНИЈА: Германската влада објави војна на нелегалната работа, нема повеќе злоупотреба на системот
Незаконската работа ја поткопува домашната економија и ја намалува довербата во владеењето на правото, предупреди во средата германската влада, откривајќи нацрт-закон за борба против тоа, пренесува германската новинска агенција (dpa).
Нацртот предвидува построг финансиски надзор во надлежност на царината и дигитализација за поефикасен надзор, соопшти Министерството за финансии.
Од Министерството велат дека фер конкуренција и еднакви услови за работа се можни само со ефикасна борба против незаконското работење.
Новиот закон дополнително треба да обезбеди наплата на даноците за буџетот и фондовите за социјално осигурување.
Министерот за финансии Кристијан Линднер најави дека контролата на нелегалната работа ќе ги открие „злоупотребите на системот за социјална помош“ и вети брзи и непосредни правни санкции.
Имено, според предлог-законот, финансиската контрола ќе биде овластена самостојно да истражува измами во областа на социјалната помош и да покрене постапка против криминалци.
