Судијата Стефановски го опомена Палчо: „Трета опомена нема да има, ќе ве отстранам“
На судското рочиште по случајот за убиството на малолетната Вања Ѓорчевска и велешанецот Панче Жежовски, судијата Ивица Стефановски два пати го опомена првообвинетиот Љупчо Палевски Палчо за коментари додека се презентираа докази од Обвинителството.
„Обвинетиот да не коментира како се судело со факти или без факти. Трета опомена нема да има, ќе ве отстранам“, рече судијата Стефановски.
Во текот на рочиштето, Обвинителството презентираше видео снимки од хотелот „Сити Парк“ и снимки од камерата на козметички и фризерски салон, на кои се забележува движењето на автомобилот „Цитроен“, со кој претпоставено е да се извршило грабнувањето на девојчето.
