Струга во плејоф на Конференциска – и со десетмина го преживеаа Луксембург!

Иако ужасно почна мечот и по само 15 минути од мечот стружани останаа со десетмина по директното исклучување на Марјан Радески, Бесар Ибраими три минути потоа даде гол со глава за македонскиот шампион да го направи главниот исчекор кон пласманот.

Можеа стружани во првиот дел и поубедливо да водат, зашто Ибраими и Бунјамин Шабани имаа два зицери кои не ги реализираа, а потоа во вториот дел голманот Ведран Ќосевски блескаше на голот, со низа клучни интервенции во првата половина од второто полувреме за да ги спречи луксембуржаните да дадат ран гол и да најават камбек

Немоќен беше во 70-та минута, кога Есперанж нападна со сите сили, а Густаво од 16 метри на одбиената топка ја смести во неговата мрежа, а потоа домаќините притискаа со сите сили, сѐ без ефект до четвртата минута од судиското надополнување кога дадоа втор гол, но тоа беше задоцнет финиш.

Во последните четири минути од осумте во надополнувањето, стружани успеаа да издржат за да не направат од готово-вересија.