Стефковски: Работиме на повеќе точки, се надевам до утринските часови ќе ја нормализираме состојбата
Градоначалниците на ВМРО-ДПМНЕ денеска излегоа на терен со цел да се исчисти сметот низ општините.
Овој проблем настана откако вработените во ЈП Комунална Хигиена излегоа на штрајк.
„Неспособноста на менаџментот на институциите на градот Скопје повторно излезе на виделина. Недостатокот на соодветно менаџирање на институциите под надлежност на град Скопје доведоа во состојба граѓаните во нашите општини да се соочат со проблем и не собирање на сметот од страна на ЈП Комунална хигиена иако сите ние како граѓани им плаќаме месечна такса. Имајќи го предвид наведеното, остварив телефонска комуникација со градоначалниците на општините Илинден и Петровец, Александар Георгиевски и Борче Митевски со кои се договоривме да испратат камиони за собирање на сметот од контејнерите во општина Гази Баба. Ја мобилизирав дел од администрацијата и целото ЈКП Гази Баба и во текот на вечерта ќе се превземат теренски активности за подигање на сметот“, вели Бобан Стефковски, градоначалник на Гази Баба.
