Стартува македонската берза за електрична енергија, со просечна цена од 115 евра од мегаватчас
Македонската берза за електрична енергија денеска по првиот ден од стартот на својата работа формираше референтна цена од просечни 115 евра, што е само за 3 евра помалку од денешната цена на интернационалната референтна берза HUPX.
Денеска македонската берза стартуваше со присуство на голем број на гости, пред се од бизнисот и енергетскиот сектор. Директорот на МЕМО, Симон Шутиноски, фирмата-ќерка за организиран пазар на струја на МЕПСО, која пет години го организираше воспоставувањето на берзата, рече дека е задоволен од исходот во првиот ден од тргувањето.
– Тргувањето заврши безбедно, без никаков проблем. Истргувани се околу 500 мегаватчасови, по 20 мегаватчасови во просек по поединечно тргување, додека просечната цена што е постигната на крајот од тргувањето е 7.125 денари. Денеска тргуваа 20 компании, а склучени договори со МЕМО за користење на платгормата имаат 22. Ќе имаме понатаму пореална џена и стабилизирање на пазарот, ги соопшти резултатите Шутиноски.
Денеска тргуваа компаниите Сентраде, Дуферко, AOT Македонија, Елнор, ЕСМ Продажба, ГЕН-И, ТЕ-ТО АД Скопје, Интеренерго, РЕС, Макстил, ЕФТ, АД МЕПСО, Енерџи Активе, ЕВН снабдување, ЕВН електрани, ОКТА, Универсал Енерџи, ЕДС, ЕТМТ Енерџи и АД ЕСМ. Интерес пројавиле и други компании, а со нив ќе се разговара во претстојниот период.
На настанот честитка беше упатена честитка и од премиерот Димитар Ковачевски, кој порача дека берзата ќе помогне да се намали зависноста од странските пазари, додека вицепремиерот за економски прашања Фатмир Битиќи, кој учествуваше на самиот настан, рече дека денот е историски за нашата економија и енергетика.
– Им благодаран на сите домашни експерти, на Секретаријатот на енергетскат заедница и САД за помошта. Пазарот станува динамичен и понатаму ќе се поврзе со конкурентските пазари од регионот. Со активно купување и продавање конечно ќе се добие референтната цена, порача Битиќи пред присутните.
Заменик-амбасадорот на САД во Скопје, Ерик Мејер,рече дека берзата не е крајната цел, туку дека таа треба да стане дел од организираниот европски пазар преку паневропскиот модел.
– Направен е голем и важен исчекор. Сите покажаа посветеност за тоа да биде можно. САД ќе ја помогне понатамошната нејзина интеграција. Меѓутоа, учеството мора да продолжи да биде активно во тргувањето, истакна Мејер.
А.К.
