СРБИН ЈА ИСТЕПАЛ СВОЈАТА МАЈКА: Потоа се заканил дека ќе направи поголем масакр од тој во Рибникар
Српската полиција утрово уапси 35-годишен насилник кој се заканувал со масакр.
Како што пренесува „Блиц“, Б.П. прво ја претепал мајка си, по што побегнал од дома и ѝ пратил порака дека ќе „направи поголем масакр отколку во Рибникар“, за што жената веднаш ја известила полицијата.
Жената и претходно го пријавувала синот. Еднаш завршила со скршена рака, но потоа ја повлекла тужбата. Во неговата куќа во Земун не е пронајдено оружје.
Мажот е предаден на Третото основно обвинителство во Белград.
Лани на 3 мај се случи масакр во основното училиште Владислав Рибникар во Белград, каде момче уби 8 соученици и еден вработен во училиштето.
