Спасовски: СДСМ не се откажа на 27 април, нема да се откаже ниту на 8 мај
Никогаш не смееме да заборавиме и да дозволиме да се повтори 27 ми април, најцрниот ден, најцрниот датум во историјата на македонската демократија, изјави денеска на прес-конференцијата Оливер Спасовски, носител на ИЕ2.
Тој вели „сликите и снимките од крвавите настани, за кои на овој начин денеска пред македонското собрание потсетуваме, нека останат паметник за тоа какви последици има од десничарскиот режим на ДПМНЕ“.
Насилници, поттикнати од ВМРО-ДПМНЕ извршија упад во Собранието, обидувајќи се да убијат пратеници, да повредат новинари и вработени во собраниските служби, да го урнат уставниот поредок, рече Спасовски и додаде „насилници никако не се уставобранители како што Мицкоски и Силјановска ги нарекуваат“.
„Најавите за нивно помилување се скандалозни и недозволиви и покажува дека ништо не е променето во ДПМНЕ. 27 ми април е тежок, крвав потсетник колку лесно опасна власт може да ја втурне земјата во провалија. Не смееме да заборавиме и не смееме да се откажеме од борбата за слобода, демократија, правда и правичност“, вели Спасовски.
Спасовски рече дека „СДСМ не се откажа на 27 април, нема да се откаже ниту на 8 мај. Глас на 8 ми мај за СДСМ и коалицијата е глас за слободна, демократска и европска држава“.
