Солидарност на дело: Германски пожарникари возеа 3000 км за да донесат лично донација во Кочани
На повик на Германската амбасада, денес во Кочани пристигна конвој со хуманитарна помош од Германија, предводен од група пожарникари кои несебично донираа специјализирано противпожарно возило и значајна количина опрема на нивните колеги од Доброволното противпожарно друштво (ДПД) Кочани.
Германските пожарникари, со високо ниво на пожртвуваност, земале одмор од нивните работни обврски и поминале речиси 3.000 километри за да ја достават донацијата лично. Со оваа акција, тие не само што обезбедија подобри услови за работа на кочанските пожарникари, туку испратија и силна порака на солидарност и пријателство.
Оваа донација претставува значителна поддршка за зајакнување на капацитетите на ДПД Кочани, а воедно и пример за тоа како преку соработка и добра волја се создаваат мостови помеѓу народите.
