Славјанка Петровска со емотивен статус се прости од двајцата загинати во сообраќајката со мотоцикл во Скопје
Пратеничката од редовите на СДСМ, но и поранешна министерка во Министерството за одбрана, Славјанка Петровска предмалку се огласи на социјалните мрежи со емотивен статус по повод жртвите во трагичната сообраќајна несреќа која се случи деновиве на една од раскрсниците во Скопје кога мотоцикл удри во бетонски ѕид.
“Не сакав да поверувам во лошата вест, не сакав да прифатам дека вие двајца сте загинатите во сообраќајната несреќа, не сакав да прифатам дека туѓа неспособност и негрижа прекинаа два живота.
Стефан Ивановски, го запознав како скромен, но исклучително способен офицер, посветен командант на армиските Волци, кој живееше за државата, Армијата и неговото семејство. Го гледав како еден од идните столбови на Генералштабот.
Ана Нешовска, работлива, кротка, но полна со енергија и желба да го промени светот, за неа не постоеше ништо невозможно…Ја гледав како првата жена раководител на военото разузнавање.
Вашето несреќно заминување не скрши сите, изгубивме многу, Министерството и Армијата изгубија многу, но за жал најголема загуба за вашите прекрасни семејства.
Нема зборови на утеха, има само зборови за сочувство во оваа огромна тага. Почивајте во мир. 💔🕊️”, напиша Петровска.
