СИНОТ НА ШТЕРЈО НАКОВ, ДРАГАН, ЦЕЛОСНО ГО ПРЕЗЕМА УПРАВУВАЊЕТО СО КОМПАНИЈАТА – еве какви промени има во „Фершпед“
Отсега па во иднина Драган Наков ќе биде на позицијата генерален директор на „Фершпед“, компанијата која долги години беше доминантно поседувана и управувана од неговиот татко, познатиот македонски бизнисмен Штерјо Наков.
За ова компанијата извести до инвеститорската јавност преку Македонската берза.
„Согласно член 39 став 2 од Статутот
на ФЕРШПЕД АД Скопје, Одборот на директори изврши промена на позициите кај
избраните Извршни членови на Одборот на директори.
На позиција Генерален директор е
именуван Драган Наков.
Извршниот член на Одборот на
директори – Генерален директор Драган Наков, согласно одредбите од статутот на
друштвото има неограничени овластувања, го застапува Друштвото во односите со
трети лица и е одговорен за водење на работите на Друштвото во рамките утврдени
со Закон и Статут“, се вели во објавата на компанијата.
Натаму, во известувањето се додава дека на позиција Заменик генерален директор
е именуван Иван Петровски.
„Извршниот член на Одборот на директори – Заменик
генерален директор Иван Петровски е одговорен за водење на комерцијалното
работење на друштвото“, потернцираат од компанијата.
Драган Наков во моментов поседува 11,83 отсто од акциите на шпедиртерската компанија „Фершпед“, додека, пак, сличен процент акции, од 11,04 проценти, поседува и неговиот брат Сашо Наков.
Најголем акционер во Фершпед е всушност помалата шпедитерска компанија „Макошпед“, според состојбата прикажана од Централниот депозитар за хартии од вредност.
Додека, пак, „Европа“, фаврика за производство на чоколади и вафли, располага со 9,66 отстро од капиталот на „Фершпед“.
Н.Н.Ф.
