ШТО МОЖЕ АМЕРИКА ДА ДОБИЕ ОД РУСИЈА? Еве што би продале
Русија е подготвена да продолжи со испораките на алуминиум за САД доколку се донесе одлука тој пазар да се отвори за руските производители, изјави рускиот претседател Владимир Путин.
Тој нагласи дека во тој случај Русија би можела да продаде околу два милиони тони на САД, пренесе РИА Новости.
„Тоа не би имало значително влијание врз формирањето на цените, но, според мене, сепак би имало ограничувачки ефект врз стабилизацијата на цените“, рече Путин.
Американскиот претседател Доналд Трамп изјави дека е „во сериозни разговори со рускиот претседател Владимир Путин за ставање крај на војната“ во Украина.
Првите руско-американски разговори на високо ниво по многу години се одржаа на 18 февруари во Ријад, главниот град на Саудиска Арабија.
