ШТО ГО „СТОПИ“ ПРОФИТОТ НА КРАТОВСКИ „СИЛЕКС“ – од два и пол милиони евра, лани дојдоа на 300 илјади
Акционерското друштво „Силекс“ од Кратово лани значително го намалил профитот, и тоа за дури 89 проценти.
Или, како што говори консолидираниот Биланс на успех на оваа компанија од Кратово, за која на Берзата е наведено дека основна дејност им е рударство и вадење на камен, ако во 2021 година нивната добивка изнесувала 2,6 милиони евра, веќе во минатата година таа се свела на 287 илјади евра.
Во овој резултат се влезени и бројките на сите други друштва кои се консолидирале кон основната компанија, односно „Силекс“.
Што е тоа што толку многу го намали профитот на кратовската компанија.
Тие лани оствариле солидна сума на оперативни приходи, и тоа дури 19,3 милиони евра, што во однос на претходната 2021 година сепак значи намалување за 17 отсто. Но, тоа не е толку голем процент на намалување како што е намалена добивката на компанијата.
Приходите од продажба на „Силекс“ изнесувале 18,8 милиони евра, што е намалување за 12 отсто во однос на претходната година.
Кога станува збор за приходите остварени на домашниот паџзар, тие се намалени за 26 проценти, додека, пак, продажбата во странство и не одела толку лошо, односно кај неа минусот е само едфен отсто.
На приходната страна има големо намалување на останатите оперативни приходи, и тоа за дури 72 отсто, така што тие минатата година изнесувале многу помалку од претходната, и тоа 540 илјади евра.
Ако се погледне пак на расходната страна,м може да се види дека оперативните расходи на фирмата биле на ниво од 19 милиони евра, што е намалување за 8 проценти.
Најзначајно зголемување има кај услугите со карактер на материјални трошоци, и тоа за 39 отсто. Трошоците за вработените се зголемени само за еден отсто.
Од Билансот на успех може дса се забележи дека има огромно намалување и кај финансиските приходи, и кај финансиските расходи на компанијата.
Во своето објаснување на финансискиот резултат, од „Силекс“ велат дека приходите се намалени поради намалената продажба и намалената побарувачка на пазарот, објаснувајќи дека се работело за продажба на сунѓер, сирење, жива стока, силекс кугла, како и патенти.
Расходите, пак, како што велат, се намалиле поради намаленото производство.
Од компанијата уште и велат дека нема исплата на дивиденда, нема продажба на материјални средства. Од друга страна, пак, имаат вложувања во некои градежни објекти и набавка на опрема.
Поптенцираат дека нема кредитни задолженија за овој период, но и дека нема промени во планот за следниот период.
Н.Н.Ф.
