Се замрзнуваат цените на хигиенските производи

Ќе се замрзнат цените на хигиенските производи како тоалетната хартија, влажните марамчиња, пелените за деца и возрасни, хигиенските влошки.

Ова го истакна министерот за економија Крешник Бектеши, а ќе значи значи одредување највисока цена по која може да се продаваат продуктите.

Според министерот, намалувањето ќе биде 13 отсто од цените што биле во трговијата на мало на 20 март оваа година.

„Од периодот од 1 март до 24 март 2023 година цената на тоалетната хартија се движела од 94,8 до 205 денари и на оваа цена кога ќе се пресмета и ДДВ, таа би се движела од 111,8 денари до 241,9 денар, а главно повеќе од сите овие производи од 85 % се увезени во нашата држава. Цената на влажните марамчиња во просек се движела од 94,6 денари во јануари, 94,5 во февруари и 83,2 денари во март 2023 година, каде што имаме царинска ставка од 6 % и не е вклучено ДДВ. За пелените, цената се движи од 36 денари за парче до 1.600 денари за кутија со повеќе пакувања и тука не е вклучено ДДВ“, порача Бектеши.

Тој додаде дека Владата е подготвена да се откаже од ДДВ-то за овие производи, но дека за тоа треба да одлучи и Собранието.