Се води истрага кој му кажал на монструмот Сулејмановиќ каде се крие неговата невенчана сопруга, сомнежот е во полицијата

Неколку службеници на Министерството за внатрешни работи на кантонот Тузла се под истрага за можна поврзаност со Нермин Сулејмановиќ, повеќекратен убиец од Градачац, дознава Klix.ba.

Министерството за внатрешни работи на кантонот Тузла, во соработка со Кантоналното обвинителство во Тузла, во моментов води истрага против повеќе лица кои можеби имаат некаква поврзаност со убиецот Нермин Сулејмановиќ од Градачац.

Како што дознава Klix.ba, поради можна поврзаност со него, одреден број полициски службеници во моментов се под истрага на МУП на Т.К. Како што открива неименуваниот извор, инволвирани се повеќе лица.

„Истрагата се води против сите припадници на полициските сили од Тузланскиот кантон, за да се утврди дали има поврзаност меѓу нивното однесување и постапки и сето она што се случувало во Градачац“, изјавил изворот.

Истрагата што моментално се води треба да открие и кој му ја открил локацијата на невенчаната сопруга на убиецот од Градачац.

Има одредени индиции дека се работи за лице од полицијата, но не може со сигурност да се каже додека не заврши истрагата.

Откако ја пронашол невенчаната сопруга, Сулејмановиќ ја уби на најбрутален начин. Покрај неа, уби уште две лица, а рани три.