СЕ ОГЛАСИ КОКА-КОЛА ХРВАТСКА ЗА ПОВЛЕКУВАЊАТА – не најдовме неправилности, но ако ги имате овие производи, јавете се
Кока Кола Хрватска излезе со соопштение и посочи дека привремено повлекува одредени производи. Според нив, анализите не покажале неправилности во производството или во производите, но ги повлекуваат производите додека не заврши официјалната истрага.
„Привремено повлекуваме една партија Кока-Кола Оригинален вкус 500 мл во пластична амбалажа (ПЕТ) од пазарот согласно Усна одлука на Државниот инспекторат на Република Хрватска, серијата производи Coca-Cola Оригинален вкус, газиран безалкохолен пијалок, 500 мл ПЕТ произведен на 11 октомври 2023 година со рок на траење до 11 април 2024 година.
Иако нашата интерна анализа не покажа неправилности во производството или во производите, решивме и привремено да повлечеме две ограничени серии Romerquelle Emotion Blueberry Pomegranate 330ml во стаклена амбалажа до завршување на официјалната истрага. Станува збор за серии произведени на 27 мај 2023 година (со рок на траење до февруари 2024 година) и 22 јуни 2023 година (со рок на траење до март 2024 година)“, се вели во соопштението од компанијата.
