Се обрати Путин: Постојат услови за понатамошен развој за да се направи Русија посилна
Рускиот претседателски кандидат Владимир Путин вечерва пристигна во својот изборен штаб во Москва и рече дека постојат услови за „понатамошен развој за Русија да биде посилна, посилна и поефикасна“.
Тој им се заблагодари на волонтерите во штабот, посочувајќи дека малиот број поплаки укажува на високиот квалитет на нивната работа, пренесува РИА.
Според податоците на Централната изборна комисија, по обработката на повеќе од 60 отсто од гласовите, за Путин на претседателските избори гласале 87,26 отсто од гласачите.
