Се бара амнестија на осудените за 27 април – до Собрание испратен предлог закон
Предлог закон за амнестија за настаните од 27 април во Собранието како препорачана пратка е испратен до пратениците, информира за МИА адвокатот Јанаки Митровски.
Пратениците законот ќе го добијат најверојатно в понеделик, а адвокатите кои го подготвија најавуваат средби со сите пратенички групи со цел да лобираат и да се обидат да добијат поддршка за него.
Митровски објаснува дека со предложениот текст се предвидува амнестија за настаните што се случија на 27 април 2017 година и тоа се предлага целосна амнестија за лица осудени на затворски казни до 10 години и половични односно намалување на половина за лица осудени над десет години.
Само две лица се осудени под 10 години и тоа Александар Василевски – Нинџа и Абдуљфета Алими , додека сите останати се осудени на поголеми затворски казни.
