СДСМ: СДСМ го реализира Чебрен и заштеди 100 милиони евра, за разлика од ДПМНЕ која не успеа во ништо
Од СДСМ денеска преку соопштение велат дека СДСМ успеа да спроведе соодветна постапка со што започнува реализација на стратешкиот и исклучително важен енергетски проект Чебрен, инвестиција вредна над 1 милијарда евра.
„Со овој нов енергетски капацитет може да се задоволат потребите на 250 илјади домаќинства со просечна потрошувачка на електрична енергија.
Чебрен е огромен енергетски капацитет кој позитивно ќе влијае на енергетската независност на земјава.
ДПМНЕ 11 пати објавуваше тендери за Чебрен за реализација и не успеа. СДСМ направи успешна постапка со што овој огромен и значаен проект ќе се реализира.
Со успешната постапката којашто ја спроведе СДСМ заштеди 100 милиони евра, пари на граѓаните.
Владата на Никола Груевски и ДПМНЕ во 2013 година со Одлука го доделила Тиквеш на приватниот инвеститор, 3 месеци по добивање на одобрението за градба на ХЕЦ Чебрен.
СДСМ, со измена на таа одлука го внесе Тиквеш во заедничка компанија 3 месеци по пуштање во работа на ХЕЦ Чебрен.
Тоа е суштинска и огромна разлика со која се заштедуваат 100 милиони евра, пари на граѓаните“, велат од СДСМ.
