САЛАМА НА ПОЗНАТ ПРОИЗВОДИТЕЛ ПОВЛЕЧЕНА ОД ПАЗАРОТ ВО ХРВАТСКА – пронајдена опасна бактерија
Државниот инспекторат на Република Хрватска ги извести потрошувачите дека издал наредба за отповикување на сувомеснат производ од тамошниот пазар.
Станува збор за производот Самоборска салама, ЛОТ 00050125.09.2024 година, со рок на употреба 23.01.2025 година, поради утврдената бактерија Listeria monocytogenes.
Производот не е во согласност со Регулативата на Комисијата (ЕЗ) бр. 2073/2005 од 15 ноември 2005 година за микробиолошки критериуми за храна.
Производител е Месница Прелец д.о.о., Аугуста Харамбашица 42, 10434 Стрмец Самоборски.
S polica se povlači ova salama: Sadrži bakteriju koja zahvaća mozak, simptomi su zastrašujući – https://t.co/IyWrkbYFC9 pic.twitter.com/M0PWRMZzqr
— Zagrebinfo (@zagreb_info) October 8, 2024
Ако конкретниот производ е присутен на пазарот во Македонија, Агенцијата за храна и ветеринарство ќе издаде соопштение дека се повлекува од нашите продажни места. Во меѓувреме доколку некој ја купил конкретната салама од соседството, не ја конзумирајте.
Фото: Принтскрин/Твитер
