РУСКО СЕМЕЈСТВО КОЕ ИЗБЕГА ВО СРБИЈА: Мажот ја убил сопругата и детето, а потоа се обесил
Хирург од Русија е убиецот на сопругата и детето во српскиот град Панчево.
Руски државјанин (46), неговата сопруга (50) и деветгодишно дете се пронајдени мртви во стан во Панчево, кога полицијата синоќа нешто по полноќ ја скршила вратата од станот и ги пронашла телата. Како што јавува Нова.рс, се работи за лекари, а додека настрадала Олга Г.Б. работела како неонатолог во Русија, нејзиниот сопруг Ашов Г.В. бил хирург.
Мотивот за страшното злосторство не е познат. Полицијата се сомнева дека Ашов прво ги убил сопругата и детето, по што се обесил.
„Со нив живееше нејзиниот син од првиот брак (18), но беше депортиран пред неколку дена. Тој стан е нивен, го купија пред два месеци. Сите сме во шок“, сведочат соседите.
Вишото јавно обвинителство Панчево излезе со детали.
„Дежурната заменичка јавна обвинителка излезе на лице место за да изврши увид, нареди судско-медицинска обдукција на безживотните тела, анализа на телесни ткива за присуство на наркотични дроги, алкохол и лекови на база на седативи и други потребни докази. за утврдување на сите околности на настанот се собираат“, стои во соопштението.
Убиената Русинка сакала да се вработи во Србија.
„Немаше дозвола за работа во Србија, сакаше да се вработи овде. Неодамна истражуваше како да добие дозвола. Сакаа да започнат нов живот“, раскажува сосетка.
Се смета дека околу 200.000 руски граѓани допатувале во Србија, откако Русија ја почна инвазијата на Украина, со цел да се спасат од мобилизација.
фото: принтскин Телеграф.рс
