Роберто Тошевски нов претседател на управниот одбор на „Железничка инфраструктура“, ова се новите членови
Централниот регистар објави решение со кое се врши промена во органите на управување на Јавното претпријатие за железничка инфраструктура „Железничка“ на Република Северна Македонија. Согласно решението од 10 јули 2025 година, назначени се нови членови на Управниот одбор на претпријатието.
За претседател на одборот е избран Роберто Тошевски од Скопје. Меѓу новите членови се Сашо Мојсовски, Негица Захариевски, Александар Маџаров, Ељвис Муслими, Самет Зибери и Даниел Крстески. Исто така, за вршители на должност членови на Управниот одбор се назначени Елена Стојковска и Голубина Арсовска.
Промените се запишани во Централниот регистар врз основа на поднесена пријава од 19 јуни 2025 година и се одобрени со впишување во деловната книга.
