Редици на родители со деца на вакциналните пунктови за имунизација од голема кашлица
Без потврда за примена вакцина која штити од голема кашлица од понеделник нема да се згрижуваат деца во градинка . ова известување испратено до родителите, но и стравот од ширење на болеста направи редици пред вакциналните пунктови. Најчесто се имунизираа деца на 3, 4, па и петгодишна возраст што ја пропуштиле ревакцината на 18 месеци.
„Беше болна, сега дојдовме на ревакцинација. Не е сериозно со големата кашлица, но до ова дојдовме поради таканаречените антиваксери -пропуштена е вакцината, сега ќе ја прими“.
„Ја имаме пропуштено вакцината затоа што ни се поклопи со претходната вакцина, а кога беше време за оваа вакцина имаа сипаници. да, оди во градинка, веќе имаше известување во групите во кои комуницираме на вибер“.
утрово за три часа во пунктовите „јане сандански“ и во „букурешт“аплицирани се приближно 100 вакцини . по имнузацијата родителите бараат потврда, меѓу нив има и родители кои досега воопшто не ги однеле децата на вакцинација. педијатрите алармираат дека имунизацијата е единствена мерка за да се спречи епидемија
„Ова се вонредни дечиња, гледате поголеми се од три години и се повеќе од 80 проценти од вкупниот број на деца. според редовниот календар за имунизација, вакцинацијата во претшколска возраст завршува на 18 месеци. имавме и такви кои ни бараа потврди за во градинка од родилиште . 4 или 5-годишни деца кои бараат потврди од родилиште, таков документ не издаваме од причина што тоа дете ниту се води со картон, ниту сме го виделе и прегледале“, изјави д-р Сања Цилевска Младеновска – вакцинален пункт „Букурешт“.
„Најмногу доаѓаат за дифтерија тетанус и пертусис вакцината, односно да ги надоместат пропуштените дози“, изјави д-р Даниела Марковска – вакцинален пункт „Јане сандански“.
Од почетокот на годинава бројот на заболени од голема кашлица достигна 26 случаи, според лекарите бројката е поголема. Се уште нема одлука за прогласување епидемија на територијата на главниот град. Од понеделник вакциналните пунктови продолжуваат да имунизираат во две смени.
Намалениот опфат на имунизација е причината за појавата на големата кашлица . лекарите велат станува збор за сериозна бактериска инфекција која може да предизвика компликации, па дури и смрт, најопасна е за бебињата.
Андријана Ѓурчевска
